SIPLOH PEKARA MAKSIET HATE DENGON SIPLOH PEKARA TA'AT HATE
Nazam : SYEH 'ABDULLAH.
Bismillahirrahnianirrahim
Hatamah nyoë na saboh kesudahan,
Perintah Ta'at dengon maksiet ulôn bayan.
Maksiet baten na siplôh pee betaturi,
Lam Arba'in menan nekhen lé Razali.
Wajéb ateeh dum 'mukallaf jipejiôh,
Sagai-sagai bèk jibri rab ubak tubôh.
Petama phôh syarahutta'am yakni sangat,
Gema akan mabôk-mabôk makanan lazat.'
Nyang kedua syarahulkalam le that narit,
Dônya akhérat tan paidah nyan nyang megriet.
Kelhèe ralab nyakni marah perangui gata,
Kepeet hasud dengki ku'èh hate gata.
Nyakni banci hate gata ke gob nékmat,
Nyang ka gebri dum ke hamba lé halarat.
Kelimong kriet sereta gaséh ke areta,
Kenam gaséh kemegahan dalam dônya.
Nyang ketujôh gaséh ke dônya betaingat,
Nyan kepala kejahatan khen Muhammad.
Nyang kelapan tekabô gata perajêk droë,
Ateeh meheluk Tuhan Asa dum barangsoë.
Sikureeng 'ujôb hireen gata kedroë,
Sang tan laén lagèe gata dalam nanggroë.
Siplôn reya pubuet 'amai tan ékelah,
Kon tapubuet simatajmata karena Allah.
Bak meheluk tapelemah 'amai gata,
Supaya jeet ngon sabab nyan gepumelia.
Nyanke siplôh maksiet batén perangui
Habih, Wajéb taboh ban siplôh boh dum behabéh.
Wajéb tèebat bak maksiet nyan dum hé akhi,
Hâté gata bak maksiet nyan tapesuci.
Ta'at batén na siplôh pee ngo lôn bayan,
Nyakni sii'eet perangui gala kepujian.
Wajéb ngon nyan tamesifeet dumte saré,
Betapasoë dum sifeet nyoë dalam hâté.
Petama tèebat nibak dèesya sikelian,
Cut ngon rajêk lahé batén baranggajan.
Ngon lhèe syarat sah tatèebat khen 'ulama,
Tinggai maksiet sikelian nyang petama.
Nyang kedua menyesai hat buet nyang lalu,
Kelhèe jitahan bèk lé riwang silama 'umu.
Khen Astarafar dengon lidah jeeb kutika,
Hate gundah suntôk sabé rô ie mata.
Areta gob cok lé gata pulang bandum,
Lakèe me'ah menyo han ék tabayee yum.
Bah sidum nan perintah tèebat wahé tèelan,
Jinoë bak sot lôn periwang pekataan.
Kedua hanfun nyakni takôt ke Rabbana,
Pubuet surôh ngon pejeôh larang dum na.
Kelhèe zahid banci hâté ke dônya nyoë,
Ke peet saba ateeh hukôm Tuhan sidroë.
Pubuet ta'at lahé batén bethat bubrat,
Pejeôh maksiet bethat nabsuji galak that.
Nibak bahla sikelian betasaba,
Harap pahla nibak Tuhan Po nyang Asa.
Limong syukô pandang nèkmat sikelian,
Milék Allah Po nyang Asa di gata tan.
Nam ékelah nibak 'amai sikelian,
Nyang tapubuet simatamata karena Tuhan.
Tujôh tèewakai tapeserah droë ubat Allah,
Ban nyang khendak getanyoë hamba neperintah.
Lapan muhébbah 'bPtagasèh Tuhan Asa,
'Alamat muhébbah gaséh Rasui Panghulèe kita.
Gaséh ke Rasui pubuet surôh pejeôh tegah,
Lahé batén ban syari'at nana ubah.
Meng tan menan sulét gata wahé tèelan,
Tapegah gaséh amar nahi tapubuet tan.
Sikureeng rila hâté gata kada Tuhan,
Tan 'iktikeet ke buetan Po sikelian.
Nyang kesiplôh betaingat nyan ke mate,
Sukreet mawot 'adeeb kubu betapiké.
Baya kiamat nyang nepegah uléh Nabi,
Sikelian betaingat bit na hali.
Alhamdulillah ka sampôrena nyang lôn kasad,
Dengon tunyok sereta tulông Rabbul'izzat.
Ta'at hâté maksiet hâté lôn penalam,
Bahrurijad haf ai mangat kenong ragam.
Saleem rahmat ngon berekat sikelian,
Ke Muhammad po janjôngan waréh sajan.
Lom ke sahbat ngon nyang ikôt bak agama,
Kenan rahmat bèk na putôh nekarônya.
Dèsya faki ngon berekat nalam ini,
Nepeampôn lé Tuhanku nyang that Rani.
Nebri tèebat nyang nasuha yôh goh maté,
Iman tetab dalam dada hingga page.
Kalimah Taibah neorl sudah pekataan,
Ngon sjufa'at Muhammad nyang aklié zaman.
Bak dua plôh Rabi'ulawal tamat kalam,
Thön siribée lhèe retôh peet plôh sa
Gampông Kedah Kutaraja nama tempat,
Dengon taufik Tuhan Asa Po halarat.
20 Rabi'ulawal 1341
***
gehimpôn lé
ANZIB LAMNYONG
19 7 4***
Nazam : SYEH 'ABDULLAH.
Bismillahirrahnianirrahim
Hatamah nyoë na saboh kesudahan,
Perintah Ta'at dengon maksiet ulôn bayan.
Maksiet baten na siplôh pee betaturi,
Lam Arba'in menan nekhen lé Razali.
Wajéb ateeh dum 'mukallaf jipejiôh,
Sagai-sagai bèk jibri rab ubak tubôh.
Petama phôh syarahutta'am yakni sangat,
Gema akan mabôk-mabôk makanan lazat.'
Nyang kedua syarahulkalam le that narit,
Dônya akhérat tan paidah nyan nyang megriet.
Kelhèe ralab nyakni marah perangui gata,
Kepeet hasud dengki ku'èh hate gata.
Nyakni banci hate gata ke gob nékmat,
Nyang ka gebri dum ke hamba lé halarat.
Kelimong kriet sereta gaséh ke areta,
Kenam gaséh kemegahan dalam dônya.
Nyang ketujôh gaséh ke dônya betaingat,
Nyan kepala kejahatan khen Muhammad.
Nyang kelapan tekabô gata perajêk droë,
Ateeh meheluk Tuhan Asa dum barangsoë.
Sikureeng 'ujôb hireen gata kedroë,
Sang tan laén lagèe gata dalam nanggroë.
Siplôn reya pubuet 'amai tan ékelah,
Kon tapubuet simatajmata karena Allah.
Bak meheluk tapelemah 'amai gata,
Supaya jeet ngon sabab nyan gepumelia.
Nyanke siplôh maksiet batén perangui
Habih, Wajéb taboh ban siplôh boh dum behabéh.
Wajéb tèebat bak maksiet nyan dum hé akhi,
Hâté gata bak maksiet nyan tapesuci.
Ta'at batén na siplôh pee ngo lôn bayan,
Nyakni sii'eet perangui gala kepujian.
Wajéb ngon nyan tamesifeet dumte saré,
Betapasoë dum sifeet nyoë dalam hâté.
Petama tèebat nibak dèesya sikelian,
Cut ngon rajêk lahé batén baranggajan.
Ngon lhèe syarat sah tatèebat khen 'ulama,
Tinggai maksiet sikelian nyang petama.
Nyang kedua menyesai hat buet nyang lalu,
Kelhèe jitahan bèk lé riwang silama 'umu.
Khen Astarafar dengon lidah jeeb kutika,
Hate gundah suntôk sabé rô ie mata.
Areta gob cok lé gata pulang bandum,
Lakèe me'ah menyo han ék tabayee yum.
Bah sidum nan perintah tèebat wahé tèelan,
Jinoë bak sot lôn periwang pekataan.
Kedua hanfun nyakni takôt ke Rabbana,
Pubuet surôh ngon pejeôh larang dum na.
Kelhèe zahid banci hâté ke dônya nyoë,
Ke peet saba ateeh hukôm Tuhan sidroë.
Pubuet ta'at lahé batén bethat bubrat,
Pejeôh maksiet bethat nabsuji galak that.
Nibak bahla sikelian betasaba,
Harap pahla nibak Tuhan Po nyang Asa.
Limong syukô pandang nèkmat sikelian,
Milék Allah Po nyang Asa di gata tan.
Nam ékelah nibak 'amai sikelian,
Nyang tapubuet simatamata karena Tuhan.
Tujôh tèewakai tapeserah droë ubat Allah,
Ban nyang khendak getanyoë hamba neperintah.
Lapan muhébbah 'bPtagasèh Tuhan Asa,
'Alamat muhébbah gaséh Rasui Panghulèe kita.
Gaséh ke Rasui pubuet surôh pejeôh tegah,
Lahé batén ban syari'at nana ubah.
Meng tan menan sulét gata wahé tèelan,
Tapegah gaséh amar nahi tapubuet tan.
Sikureeng rila hâté gata kada Tuhan,
Tan 'iktikeet ke buetan Po sikelian.
Nyang kesiplôh betaingat nyan ke mate,
Sukreet mawot 'adeeb kubu betapiké.
Baya kiamat nyang nepegah uléh Nabi,
Sikelian betaingat bit na hali.
Alhamdulillah ka sampôrena nyang lôn kasad,
Dengon tunyok sereta tulông Rabbul'izzat.
Ta'at hâté maksiet hâté lôn penalam,
Bahrurijad haf ai mangat kenong ragam.
Saleem rahmat ngon berekat sikelian,
Ke Muhammad po janjôngan waréh sajan.
Lom ke sahbat ngon nyang ikôt bak agama,
Kenan rahmat bèk na putôh nekarônya.
Dèsya faki ngon berekat nalam ini,
Nepeampôn lé Tuhanku nyang that Rani.
Nebri tèebat nyang nasuha yôh goh maté,
Iman tetab dalam dada hingga page.
Kalimah Taibah neorl sudah pekataan,
Ngon sjufa'at Muhammad nyang aklié zaman.
Bak dua plôh Rabi'ulawal tamat kalam,
Thön siribée lhèe retôh peet plôh sa
Gampông Kedah Kutaraja nama tempat,
Dengon taufik Tuhan Asa Po halarat.
20 Rabi'ulawal 1341
***
gehimpôn lé
ANZIB LAMNYONG
19 7 4***
Sangat bermanfaat, sulit sekali mencari syair2 aceh skrg.
BalasHapus